Besteak beste, Conde de Aresti Egoitzaren presidenteordea da egun.
Gaur titulua "Bizkaitar Argia" jaso duten beste pertsonek honako profila dute:
• Miguel Madariaga, euskal txirrindularitzari baldintzarik gabe laguntza ematearren eta hura zabaltzearren eman diote saria.
• Juan Maria Uriarte Bilboko gotzaina izandakoa da.
• Pete Cenarrusa Gardoki Estatu Batuetako Idaho Estatu idazkaria izan da urteetan. Euskal herritarren autodeterminazio eskubidea aitortu eta AEBek euskal gatazka konpontzen laguntzea eskatu zuen Idahoko Adierazpenaren bultzatzailea izan zen David Bieter demokratarekin batera. Cenarrusaren gurasoak bizkaitarrak dira.
Aurreko saridunak
Aurretik titulu bera eskuratu dute Manu Leguineche kazetaria eta Radio Bilbao eta Caritas Diocesana erakundeak; Jose Angel Sanchez Asiain, Pedro Toledo, Juan Ramon Urquijo, Ramon Rubial, Jose Ignacio Lopez Arriortua. Marino Lejarreta, Dolores Ibarruri, Angel Galindez, Marcelo Gangoiti, Joaquin Achucarro, Felix Ayo, Carmelo Bernaola, Ander Manterola edo Adrian Celaya. Bestalde, honako erakundeek ere jaso izan dute: Athletic Club, Basurtuko ospitalea, San Juan de Dios ospitalea, Txohiesa Erakundea, CEBEK Bizkaiko Enpresarien Konfederazioa eta Jon Bilbao Fundazioa.
1989. urteaz geroztik, Bizkaiko Foru Aldundiak, dekretu bidez, lurralde historikoko ohore eta sariak arautu izan ditu. Gero, 2008. urtean, 123/2008 Foru Dekretuak esker on horien hasierako edukia aldatu zuen: "emateko espedienteak tramitatzeko ekimenak diputatu nagusiak berak, foru diputatuek eta Bizkaiko edozein erakunde edo entitate publikok zein pribatuk egin ahalko dituzte, bai eta edozein herritarrek ere, baldin eta eratutako sariak jaso ditzaketen merezidunen berri badute".
2010eko ekitaldi honetarako, Bizkaiko diputatu nagusiak egin du aipatutako lau pertsonei saria emateko proposamena.
Bizkaiko Foru Aldundiaren, Gobernu Kontseiluak gaur egindako bileran, Pilar Aresti, Miguel Madariaga, Juan Maria Uriarte eta Pete Cenarrusari "Bizkaitar Argia" izeneko titulua ematea onetsi du. Titulu hori da erakunde horrek "gure lurralde historikoa eta bere balioak sustatzeko laguntza eman duten partikular, pertsona juridiko, zerbitzu eta jarrerak, edozein jardueratan" bereizteko ematen duen ohorezko esker ona. Pilar Aresti Victoria de Lecea, jaiotzez bilbotarra izan arren, urteak daramatza Negurin bizitzen. Bizkaiko aristokraziako familiarik zaharrenetako baten kide, politikan aritu da batez ere. 1979n, Bizkaiko Legebiltzarrean aukeratua izan zen, UCDren zerrendan. 1995ean berriro ere izendatu zuten, baina PPtik aurkeztuta. 2000ean Espainiako Senaturako jauzia egin zuen eta bertan Defentsa Batzordeko presidenteordea izan zen. Foru Aldundiaren arabera, "Euskadiko politikari eta gizarte- eta kultura-bizitzari oso lotuta dagoen emakumea" da. Argazkian, 2000n, ETAk bonba-auto bat jarri zuen bere etxe aurrean baina horren berri eman zuen eta Aresti etxetik atera egin zuen Espainiako Polizia Nazionalak / © El Boletin.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun