![](http://farm4.static.flickr.com/3031/2541220557_8e55c11d92_m.jpg)
Jolaseta zubia botatzeko lanak hasiko direla, gaur egun osoan Neguriko Goierri kalea itxita egongo da, zirkulaziorako zein oinezkoentzat. URA, Uraren Euskal Agentziak Gobela ibaiaren inguruan uholdeen arriskua ahalik eta gehien murrizteko Berreskurapen eta Hobekuntza Hidrologikoko proiektuaren barruan kokatzen da ekimena. Zehazki, Etxezuri-Larrañazubiko aldean aurrera eramango dituzten lanetariko bat da hori. Zubia botatzeko lanen lehenengo fasean, Goierri kalea zubiaren parean baino ez moztea aurreikusten da, Akazia kalea oinezkoentzat eta ibilgailuetarako estriboen eraiste lanak egiten hasi arte zabalik egongo den bitartean. Zubia berritzeko lanen epea sei bat hilabetekoa izatea aurreikusi dute. Bitartean, ibilgailuek Getxon sartzeko beste aukera moduan, Uribe Kostako bidea erabiltzea gomendatu dute Udalekoek. Argazkian, Gobela ibaia orain dela bi urte gora egin zuenean.