"Antzinean, negua amaitutakoan, gure herriko baserri eta auzoetako bizilagunak elkartu egiten ziren egun batean leku ezagunetan (Ondiz, San Bartolome, Ereaga, Martiartu...) eta egun pasa egiten zuten txerrikiak surtan erretzen eta jaten, dantza egiten... ondo pasatzen elkarrekin, alegia! Euskaldunok elkarrekin ondo pasa dezagun euskaraz, ohitura zahar hori berreskuratu nahi dugu", azaldu dute antolatzaileek. Horregatik, hilaren 12an San Bartolomen elkartzera deitu dituzte leioaztarrak.
Egitaraua:
11:00 Umeentzako tailerrak.
13:00 Euskal dantzen ikuskizuna Gure Ohiturak dantza taldearekin.
13:30 Txitxiburruntzia.
14:30 Larrain dantza herritarra.
15:00 Herri bazkaria. Aurten sagardotegi menua, Triki Kupelako lagunekin. Bazkarirako txartelak 20 eurotan, "Pi"-ren tabernan, Kurkudin eta Lamia euskaltegian. Tiketak erosteko azken eguna hilaren 9a izango da.
17:00 Koadrilen arteko Herri Kirolak
19:00 Erromeria Hobaneuke taldearekin.
Leioako Udalaren oztopoen gainetik, hilaren 12an ospatuko dute Txitxiburruntxi Eguna San Bartolomen
Berbalamiñe euskara elkarteak antolatuta, Txitxiburruntxi Egunaren bosgarren edizioa egingo dute ekainaren 12an, larunbatarekin, Leioako San Bartolome auzoan. "Udalak ezarritako oztopo guztien gainetik, aurrera jarraitu dugu ekimenarekin", antolatzaileek adierazi dutenez. Horretarako, egun osoko egitaraua prestatu dute, besteak beste, umeentzako tailerrak, euskal dantzak, txitxiburruntzia, herri bazkaria, koadrilen arteko herri kirolak eta erromeria izango direla. Horretaz gain, aurretik, larrain dantza ikastaroa egingo dute ekainaren 7an, 9an eta 11an San Bartolomeko plazan, "Udalak ez baitigu bertoko kultur etxean gelarik utzi ikastaroak egiteko", Berbalamiñekoek salatu dutenez. Argazkian, txiki zein handiak San Bartolomen dantzan, aurreko Txitxiburruntzi Egun batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun