Keltse Eiguren Ingurumen Arloko zinegotziak bere poztasuna agertu du lortutako hiru sariengatik, “nazioartean ematen diren sariak direnez gero, gure hondartzetara turismo gehiago ekarriko dutelako, beren kalitatea aintzat hartzen baita. Hortaz, hala espero dugu, gure udalerriaren ekonomiarentzat ere ona izango delako”. Udal arduradunak nabarmendu duenez, bandera urdinak Getxo udalerriko hareatzetako uraren kalitatea eta zerbitzuengatik ez ezik, “urte osoan zehar udalerrian ingurumen programak landu direlako ere lortu dira, horien artetik gutxienez 5 egiaztatu behar direlarik”. Aurten, 605 izan dira Estatu mailan bandera jaso duten hondartza eta portuak: 521 hareatza eta 84 kirol portu.
Getxoko hondartzak
Azkorriko hondartzak, 1992tik geroztik, 17 aldiz jaso du bandera urdina. "Salbuespen bakarra Prestigen isurketek eragin zuten", udal iturriek zehaztu dutenez. Hareatza hori, ingurumenarekiko ikuspuntu batetik garrantzi handia du. Alde batetik, dunen ekosistemagatik, eta bestetik, bere hondar-lurzoru bigunean Euskal Herrian bizi den apo lasterkariaren (Bufo calamita) bi populazioetako bat bertan dagoelako. Ereagako hondartzak, berriz, 2006 eta 2007an eskuratu zuen bandera urdina; eta Arrigunagak 2007an.
Getxoko hiru hondartzek jaso dituzte Bizkaia eta Gipuzkoako kostaldeko bandera urdin bakarrak
Getxo udalerriko Azkorri-Gorrondatxe, Ereaga eta Arrigunaga hondartzak izango dira aurten Bizkaia eta Gipuzkoako kostaldean bandera urdina izango duten bakarrak. Oraingoarekin bigarren aldia da hiru hareatza horiei Ingurumen arloko saria ematen dietela, aurrenekoa 2007an izan zelarik. ADEAC-FEE Ingurumen Hezkuntza eta Kontsumitzaileen Elkarteak gaur eman du ezagutzera, Madrilen, Estatu mailan ikur horiek ze hondartza eta portu jasangarriek jaso duten eman duten. Izan ere, "ingurumena eta natura errespetatuz hondartza gestionatzeko egindako esfortzu berezia aitortzeko saria da", udal getxoztarreko iturrien arabera. "Bandera urdinak aurretik ezarritako estandar batzuk bete izana egiaztatzen du, tartean, bainatzeko uraren kalitate ona, garbitasuna, informazioa, ingurugiroko hezkuntza, segurtasuna, zerbitzuak eta instalazioak. Bandera horren azken helburua turismoaren garapen jasangarria eta hondartzarako eta gunerako ingurugiroko gestioa lortzea da", gaineratu dutenez. Argazkian, Ereaga hondartza.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun