![](http://farm4.static.flickr.com/3661/3552385188_c82c97828d_m.jpg)
Datorren asteartean, ekainak 8, greba orokorra bultzatzeko batzarra egingo dute Itzubaltzeta / Romoko kultur etxean, arratsaldeko 7:15ean. Horrela, CCOO eta UGT sindikatuek Estatu espainiar mailan deitu duten langile publikoen grebaren egun berean jarri du hitzordua Murriztapen Plana Atzera Botatzeko eta Greba Orokorrerako Batzordeak. Ekimena,
POSI alderdiaren inguruko kolektibo berak abiatutako Gizarte Segurantzaren "Kutxa Bakarraren eta pentsioen alde" kanpainaren hurrengo urratsa da. Batzordeak salatu duenez, "kanpaina hori martxan jarri genuenetik Gobernuak Murriztapen Plana abiatu du. Horrek langileon eta biztanleriaren gehiengoaren eskubideen aurkako kolpe berria da, aurretik jada jasotzen genituen erasoei gehitzen zaiena". Horregatik, "gehiago itxaron gabe", sindikatu guztiak batu eta greba orokorra deitu behar dutelakoan daude. Horretaz berba egingo dute astearteko bilera irekian. Argazkian, eskualdeko denda bat itxita, iazko greba orokorrean.