Tokiko txakolin ekoizleek egindako produktua ezagutarazteko eguna antolatu dute igande honetarako, hamarrenez, Berangon. Ekitaldia herriko Sabino Arana kalean egingo dute eguerdiko 12etatik aurrera. Gero eta handiagoa da herrian egindako txakolinaren produkzioa. Hala ere, euren kontsumorako ekoizten dute. Aurten, 700 txakolin botila banatuko dituzte. Kristalezko kopa oroigarria 4 eurotan erostea nahikoa izango da, edari gozoaz disfrutatzeko. Horrekin batera, antolatzaileek eginiko txitxiburruntziaz eta txakolinean egositako txorizoaz gozatzeko aukera ere izango dute bertaratzen diren lagunek. Aurten, 19 txakolingile berangoztarrek parte hartuko dute jaialdian: Donato Iturriaga (Sustatxa), Aniceto Ugarte (Sustatxa), Iñaki Cardas, Juan Uranga, Tomas Markaida, Andoni Urrutia, Saitua “Palaparru”, Lekanda “Landazabale”, Esteban Iratzagorria, Sagar-etxe (Uriarte), Olatxites, Aretxaga “Iturralde”, Felix Mardaras (Aitzgane Barri), Iñaki Arrieta, Pedro Cadavid, Manolo Bustelo (Basotxu), Mastigane, Ramon Fernandez (Urruzkune), Jesus Uribarri (Trabudu), Ubautxu, Arteleku eta Jose Antonio Ugarte (Mastiondon). Argazkian, Larrabetzun ere ospatzen da Txakolin Eguna / cc-by-sa Larrabetzutik.org.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun