Etengabeko eraso hauen aurrean, Israeldar estatu sionistaren adierazpen ororen aurkako boikotaren hautua egiten dugu, maila akademiko, politiko, ekonomiko edota beste guztietan. Isilik eta eserita ez geratzeko deia zabaltzen dugu, isiltasunarekin sarraskia ez babestekoa. Ostiralean, ekainak 4, 19:00etan Bilboko udaletxearen aurrean elkarretaratzea egingo dugu, Israelgo Estatuaren bere zigorgabetasuna eta nazioarteko komunitatearen laguntasuna salatzeko.
Bizkaiko Palestinarekiko Elkartasun Plataforma: "Basakeria sionista geldi dezagun. Israel hiltzaile!"
Astelehenean, maiatzak 31, Israelgo Armadak eraso egin zion "Askatasunaren Ontzidia"-ri, hau da, Gazarentzat laguntza humanitarioa zeramatzaten ontziei, eta ondorioz 10 pertsona hil zituen gutxienez. Horregatik, ostiralean, ekainak 4, berriro ere kalera aterako gara Israelek askatasunaren ontzidiaren aurka eginiko sarraski salatzeko. Berriro ere kalean, Israelgo estatu sionistari eskatuko diogu Gazaren gaineko blokeoa bertan behera utzi eta nazioarteko legedia bete dezan. Ekintzaileen erailketak argitu behar dira. Argazkian, gaur Espainiako Estatuak Israeleko Armadari laguntzearen kontrako elkarretaratzea egin dute Bilbon ELA, CCOO, LAB, ESK, EILAS, CGT eta CNT sindikatuek eta Kakitzat erakundeak / © Kakitzat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun