Asteartetik aurrera hilabete eta erdiz itxiko dute Itzubaltzetako Kresaltsu kalea

Itzubaltzeta / Romoko Kresaltsu eta Santa Eugenia kaleetan dagoen kolektore nagusia zaharberritzeko lanak direla eta, datorren asteartetik (hilak 8) aurrera, zirkulazioa moztuko dute Kresaltsun, Ezequiel Agirre eta Lope de Vega kaleen arteko tartean. Gauzak horrela, Ezequiel Agirren, Kresaltsutik eta Gobelaurreraino, noranzkoa aldatu egingo da, Ezequiel Agirre kale osoa Gobelaurrerako noranzkoan geratuz. Zirkulazio etetea hilabete eta erdikoa izango dela aurreikusi dute Udalekoek, eta haiek adierazi dutenez, "seinaleei adi egotea eta hobekuntza lan horiek sor ditzaketen trabengatik barkamena eskatzen dugu". Argazkian, aurreko obra batzuk / © Getxoko Udala.