Gida baimena euskaraz eskuratzeko aukera ematen duten aipatu autoeskolak honakoak dira:
Plentzian
• Uribe Kosta autoeskola (Portaleta, 11). Aukera guztiak eskaintzen ditu euskaraz: irakaspen teorikoa ordenagailuz, teorikoa irakasle batekin eta praktikoa.
Sopelan:
• Kaiku autoeskola (Sipiri, 4). Aukera guztiak eskaintzen ditu euskaraz: irakaspen teorikoa ordenagailuz, teorikoa irakasle batekin eta praktikoa.
• Sopelana autoeskola (Sertutxa, 6). Aukera guztiak eskaintzen ditu euskaraz: irakaspen teorikoa ordenagailuz, teorikoa irakasle batekin eta praktikoa.
• Uribe Kosta autoeskola. (Laubide, 2). Irakaspen teorikoa ordenagailuz baino ez du euskaraz eskaintzen.
Urdulizen:
• Kaiku autoeskola (Gobela, 3). Aukera guztiak eskaintzen ditu euskaraz: irakaspen teorikoa ordenagailuz, teorikoa irakasle batekin eta praktikoa.
"Atzeko jesarlekua estreinatu aurretik... praktika ezazu" lelopean, 17 eta 23 urte bitarteko gazteei zuzenduko diete "Gidabaimena Euskaraz" ekimena, Mankomunitatean. Horrela, hainbat publizitate euskarriren bidez, egitasmoan parte hartzen duten bost autoeskolak ezagutzeko aukera emango diete. Gainera, azterketa teorikoa egiten duten gazteei klase praktiko bat oparituko diete eta Bizkaiko matrikulatu guztien artean Europan zehar ibiltzeko 3 pertsonentzako Interrail bidaia zozketatuko dute.
Gaur egun honako material hau dago euskaraz: teoria esku-liburua, programa informatikoa ikasleek bere kabuz ikas dezaten; programa informatikoa irakasleari eskolak prestatzen laguntzeko eta 8 horma irudi. Azterketa teorikoa eta praktikoa egin daitezke euskaraz, Bizkaian hiru aztertzaile euskaldun dabiltzala.
Pasa den maiatzaren 26an, Alkarbide foru bilguneak koordinatuta, "Gidabaimena Euskaraz" ekimena aurkeztu zuten Bizkaiko hainbat udalek, bertako gazteek agiria euskaraz lortzea sustatzeko. Besteak beste, Erandioko eta Getxoko udalak zein Uribe Kostako Zerbitzu Mankomunitatea parte hartzen ari dira ekimenean. Getxoko Udalak 9 autoeskolarekin hitzartu du kanpaina. Uribe Kostako Mankomunitateak, ordea, bost autoeskolarekin sinatu du akordioa. Haietako hiru Sopelan daude eta beste bana Urdulizen eta Plentzian. Argazkian, "Gidabaimena Euskaraz" ekimenaren aurkezpena / © Uribe Kostako Mankomunitatea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun