Info7 irratiko langileen oharra:
Ion Telleria infozapi irratiko langilea atxilotu du Polizia frantsesak gaur goizean Urruñan. Baionako polizia etxean dute baina Pabera eramango dute datozen orduetan Madrilgo Entzutegi Nazionalak egindako euroaginduaren berri eman diezaioten.
• Gure elkartasun osoa eta besarkadarik beroena Ioni eta bere sendiari.
• Operazio polizial hau salatu nahi dugu. Espainian azken urteetan nagusitu den logika errepresiboaren ondorio den atxiloketa honek Euskal Herriaren aldeko konpromiso militantea zigortzea besterik ez du bilatzen.
• Atxiloketa hau justifikatzeko egiten diren toxikazio saiakerak ere salatzen ditugu. Ionek beti bizitza normal eta publikoa egin du, inoiz ez da ezkutatu eta lankideok horren lekuko gara.
• Atxiloketa hau salatzeko deitu diren mobilizazioekin bat egin eta hauetan parte hartzeko deia egiten dugu.
Infozazpiko langileak
Ion Telleria idiazabaldarra atxilotu du gaur goizean Frantziako Poliziak Urruñan, Espainiako Auzitegi Nazionalak bere aurka eskatutako euro-aginduaren harira. Kazeta.info-k zabaldu duenez, atxiloketaren berri Ion berak eman die Info7 irratiko lankideei, Poliziaren autoan zeramatela. Goizeko 11ak aldera izan da hori, gazteak Urruñan duen etxean. Handik, Baionako komisariatik pasa ondoren Paueko Auzitegira leraman dute, bertan Espainiako Auzitegi Nazionalak jarritako euroagindu eskaera jakinaraz diezaioten. Beste 35 gazte independentista atxilotu zuten 2009ko azaroko operazioan Telleriaren atzetik ere ibili ziren Espainiako poliziek, handik hona, Urruñan bizi izan da eta bizitza erabat publikoa egin du. Info7 irratian arratsaldeko albistegiak aurkeztu ditu azken boladan. Info7-n jardun baino lehen, Gaztesareako kazetari eta Gazte Independentisten eledun izateagatik ezagun egin zen azken urteotan. Lankideek erabateko babesa agertu diote eta UKBERRI.NETek bat egiten du haiek kaleratutako oharrarekin. Argazkia: © Oarsoaldeko Hitza.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun