Bestalde, Aitxu! Sopelako euskara taldeak antolatuta, joan den igandean, ekainak 6, berbatxangoa egin zuten hainbat lagunek. Oraingo honetan Munarrikolandara abiatu ziren eta, Armando Llamosas arkeologoaren laguntzarekin, bertako trikuharrien informazioa eta azalpenak entzuteko aukera izan zuten. Ibilbidea egin eta gero Larrabasterrako plazan pintxo goxoak jan zituzten.
Ikusi Sopela.net agerkari digitalak zabaldutako bideoa:
Peña Txuri surf eskolak eta Aitxu! Sopelako euskara taldeak antolatuta, aurten ere surf ikastaroak gure hizkuntzan egiteko aukera izango da Sopelan. Hilaren 14an hasi eta uztailaren 9an bukatuko dira. Orotara bost egunetako zazpi ikastaro eskainiko dituzte. Horietan parte hartu nahi dutenek 10 urte baino gehiago izan beharko dituzte. Ikastaroak euskaraz eskainiko dira eta bakoitzak 50 euroko prezioa du. Ekimen horrekin, Aitxu! elkarteak euskara ikasgeletatik ateratzeko asmoa du. Udalerrian estimatua den kirol horren ingurura eraman nahi izan du. Izena emateko edota informazio gehiago eskuratzeko 675 591 266 telefono zenbakira dei daiteke. Argazkian, pare bat neska surfa ikasten / © Aitxu! euskara taldea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun