"Santamarine" aldizkariak orain urte batzuk ale berezia egin zuen gai honen inguruan, "Gerra hotsak Uribe aldean" titulupean, gerratearen gorabeherak gure eskualdean azaltzen dituena.
Bestela ere, nahikoa da gure inguruetan buelta bat ematea garai hartako bunkerrak (Berango, Sopela, Munarrikolanda…) eta gerra eraikinak nonahi topatzeko. Dena dela, salatu behar da agintarien aldetik ez zaiela oroimen historikoaren ondare modura merezi duten begiramena eskaintzen, eta pixkanaka desagertzen doazela, Berango-Larrabasterra inguruan errepidea egitean gertatu den bezala.
Uribe Kostako Amnistiaren Aldeko Mugimenduak Etengabe bitakoran argitaratutako artikulua.
[publicdomain Etengabe] 1937ko ekainean sartu ziren Francoren tropak Uribe Kostan. Heriotza, espetxea, zigorra, zapalketa, lapurreta, beldurra, faxismoa, diktadura, jazarpena… ekarri zituzten gure eskualdera. Eta batzuek Konstituzio espainiarraren erregimen hori demokratiko eta natural modura agertu nahi diguten arren, esan behar dugu oraindik gerrate haren ondorioetan bizi garela eta gerratea egon ere bizirik dagoela gure artean, orduan armen indarrez inposatutako egiturak bere hartan jarraitzen duelako eta, azken batean, Euskal Herriak bere hitza eta erabakia oraindik eskuratu ez duelako. Argazkian, bunkerra Berangon.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun