Alkateak adierazi duenez, "egitasmo honen helburu nagusia tokiko saltoki txikiak eta kontsumitzaileak laguntzea da, ekoizpen eta kontsumo-eredu arduratsu eta iraunkorragoak lortzeko asmoarekin. Hau da, Getxoko herritarrek udalerriko saltokietan erosteko ohitura hartzea eta bertako denda txikiek, beren lehiakortasuna hobetzen laguntzeaz gain, hiriko merkataritzaren jarduerarekin lotutako berotegi-efektuen gas-isuriak egiazta daitekeen eran murriztea nahi dugu ere”. Udalerriko edozein saltokik bat egin dezake egitasmoarekin. Bitartean, CECOBIko presidenteak nabarmendu duenez, "Getxorekin batera Balmasedan eta Santurtzin ere garatuko den proiektuaren lehen fase honetan, bai salerosleek bai kontsumitzaileek ingurumenarekin eta energi aurrezpenarekin bat egin dezaten nahi dugu, hainbat ekintza bultzatuz. Hala nola, argiztapena hobetzea, kudeaketaren baliabideak optimizatzea, edo, bezeroen kasuan, joan-etorrietan autorik ez erabiltzea”.
Beste ekimen batzuk
Bertoko herritarrek erosketak udalerri barruan egitera bultzatzeko egindako apustu horrekin batera, beste ekimen batzuk ere badira: langileak kontratatzeko laguntza bereziak, denden inguruak berritu eta biziberritzeko lanak, udalerrira bisitariak ekartzeko ekintzak, saltoki eta enpresei Getxolanek eskaintzen dien aholkularitza eta laguntza; edo azken urteetan presio fiskala murriztea. Azken batean, “Merkataritza berdea" proiektuak herriko "merkataritza lagunduko du". Izan ere, “sektore garrantzitsuenetakoa da, udal Barne Produktu Gordinari egiten dion ekarpenagatik eta duen enplegu-maila handiagatik, hortaz, laguntza eman behar zaio estrategiak eta ekimenak finkatzerako orduan”, gaineratu du Landak.
Getxo udalerriko 29 saltokik "Komertzio berdea" izeneko ziurtagiria jaso dute gaur. "Horrek denda jasangarriak legez ezagutarazten eta egiaztatzen ditu", alkateak berak adierazi dutenez (mp3). Ekimena "Komertzio berdea, arduratsua eta jasangarria" lelopeko proiektuaren harira dator. Egitasmo aitzindaria ei da Europan eta Bizkaiko Foru Aldundiaren Enplegu eta Trebakuntza Sailak sustatu du, Bizkaiko Merkataritzako Enpresarien Kontseiluaren (CECOBI) eta Getxoko Udalaren laguntzarekin batera. Prentsaurrekoaren ostean, azken bi erakunde horietako agintariek, Imanol Landa Getxoko alkateak eta Pedro Campo CECOBIko presidenteak, bereizgarria eman diete egitasmoarekin bat egin duten Algortako azokako 15 saltzaileei. Argazkian, Landa eta Campo ziurtagiria aurkezten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun