Ezinduek herritarren arreta bulegoetan eskatu beharko dute aparkatze-txartela
Ekainaren 15etik aurrera, Getxoko Udaltzaingoaren egoitzan eskatu beharko dute aparkatze-txartela mugikortasun arazoak dituzten pertsonek. Bertoko herritarren arreta gunera jo beharko dute. Orain arte, Udal Gizarte Zerbitzuetan egin behar zuten. Udalerriko herritarren arreta bulegoetan ere eskatu ahal izango dira. Tokiko poliziak "txartelen jarraipen ahalik eta egokiena" egin ahal izatea da aldaketaren helburua, hasieratik, bizi lagunek bideratzen dutenetik, horien erabilpen egokia egiaztatu arte, udal iturriek zehaztu dutenez. Aipatu aparkatze-txartela urritasun fisiko edo psikiko larriren bat duten Araba, Bizkaia eta Gipuzkoako udalerrietako egoiliarrek eska dezakete, foru aldundien Balorazio eta Orientazio Unitateen baiezko txostena jaso badute. Titularrek baino ezin dute erabili, autoa gidatzen dutenean zein barruan doazenean. Argazkian, maiz aparkatzeko oztopoak aurkitzen dituzte elbarriek / cc-by sancocho.com.
DNIaren fotokopia, Minusbaliotasunaren Agiri Ofizialaren fotokopia eta argazki bat aurkeztea beharrezkoa da, aparkatze-txartela eskatzeko. Udaltzaingoaren egoitzako arreta gunean 9:00etatik 20:00etara eskatu ahal izango da; herritarren arreta bulegoetan, berriz, goizetan bakarrik.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun