Igande honetan, ekainak 13, Getxotar Abesbatzen Eguna ospatuko da hirugarren urtez. Ekimen horren bitartez talde getxoztarrei omenaldia egin nahi zaizkie eta, horrezaz gain, udalerrian errotze handia duen tradizioa bultzatu nahi da. Algortako Biotz Alai plazan hamaika talde jardungo dira; horietako bakoitzak bi kanta eskainiko ditu. Saioa 18:00etan hasiko da eta sarrera doakoa da. Guztira, 350 bat abeslari bilduko dira ekitaldian. Hirugarren edizio horretan honako abesbatza hauek jardungo dira: Erromoko Kantariak, Irutasun, Zozoak, Itxartu, Tangorako Soinutarrak, Gorrondatxe, Gizatiar, Eskuz Esku, Biotz Alai eta Ondarreta. Halaber, lehenengo aldiz haur abesbatza bat ariko da, Romo ikastetxeko korala, hain zuzen ere. Taldeek eskainiko duten egitarauan herri-abesti anitzak bildu dira, hala euskaraz, nola gaztelaniaz. Besteak beste, Mocoroa, Solozabal, Guridi eta Iparragirreren kantak abestuko dituzte saioan. Argazkian, Gorrondatxe abesbatza Getxotar Abesbatzen lehenengo Egunean.
Musika korala errotze handiko tradizioa da Getxo. Izan ere, udalerrian hainbat abesbatza daude, horietako batzuk eskarmentu handikoak. Urtez urte, talde horietan ehunka lagun biltzen dira musikaz gozatzeko. Getxoko Abesbatzen Eguna musika zaletasunaren isla izan nahi du eta, horrezaz gain, ekimen horren bitartez talde getxoztarrei omenaldia egin nahi zaizkie ospakizunean. "Halaber, Abesbatzen Eguna topagune bilakatuko da eta aurten parte hartzen duten taldeetako kideek elkarren artean harremanak sendotu ahal izango dituzte", Getxoko Kultur Etxetik adierazi dutenez. Saioan parte hartuko duten taldek etengabe aritzen dira urtean zehar herri-ospakizunetan, lehiaketetan eta hainbat ekitalditan: Agate Deuna Koru Jaialdia, zenbait herritako Udaberriko Kontzertuetan, edota Bizkaiko Koralen Egunean, gure mugetatik kanpo egindako saioak ahaztu gabe.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun