"Antzinean, negua amaitutakoan, gure herriko baserri eta auzoetako bizilagunak elkartu egiten ziren egun batean leku ezagunetan (Ondiz, San Bartolome, Ereaga, Martiartu...) eta egun pasa egiten zuten txerrikiak surtan erretzen eta jaten, dantza egiten... ondo pasatzen elkarrekin, alegia! Euskaldunok elkarrekin ondo pasa dezagun euskaraz, ohitura zahar hori berreskuratu nahi dugu", azaldu dute antolatzaileek. Horregatik, bihar, San Bartolomen elkartzera deitu dituzte leioaztarrak.
Egitaraua:
11:00 Umeentzako tailerrak.
13:00 Euskal dantzen ikuskizuna Gure Ohiturak dantza taldearekin.
13:30 Txitxiburruntzia.
14:30 Larrain dantza herritarra.
15:00 Herri bazkaria. Aurten sagardotegi menua, Triki Kupelako lagunekin.
17:00 Koadrilen arteko Herri Kirolak
19:00 Erromeria Hobaneuke taldearekin.
Berbalamiñe euskara elkarteak antolatuta, Txitxiburruntxi Egunaren bosgarren edizioa egingo dute larunbat honetan, ekainak 12, Leioako San Bartolome auzoan. "Udalak ezarritako oztopo guztien gainetik, aurrera jarraitu dugu ekimenarekin", antolatzaileek adierazi dutenez. Horretarako, egun osoko egitaraua prestatu dute, besteak beste, umeentzako tailerrak, euskal dantzak, txitxiburruntzia, herri bazkaria, koadrilen arteko herri kirolak eta erromeria izango direla. Aurretik, San Bartolomeko plazan egin behar izan dute, aste honetan bertan, larrain dantza ikastaroa, "Udalak ez baitigu bertoko kultur etxean gelarik utzi ikastaroak egiteko", Berbalamiñekoek salatu dutenez. Argazkian, txiki zein handiak San Bartolomen dantzan, aurreko Txitxiburruntzi Egun batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun