Alemaniar ardi-txakur Klubaren Bizkaiko ordezkaritzak lurraldeko erakusketa monografikoa antolatu du igande honetarako, ekainak 13, Sopelako Txakurren Etxean (Gatzarriñe, 36). Ekitaldia goizeko 9:30ean hasi eta 15:00ak aldera amaituko da. Ehun ardi-txakur inguru bilduko dira, Estatu osotik etorriak. Abereak adinaren arabera bananduko dituzte maila desberdinetan. Horrela, arrak, emeak eta txakurkumeak hiru kategoriatan egongo dira banatuta: 4 eta 6 hilabete artekoak, 6 eta 9 hilabete artekoak eta, 9 eta 12 hilabete bitartekoak. 12 eta 18 hilabete artekoak, berriz, Oso Gazte mailan jardungo dute; 18 eta 24 hilabete artekoak Gazte Mailan; eta 24 hilabetetik gorakoak Lanerako Mailan. Epaile lanetan, Hans-Peter Fetten alemaniarra eta Javier Silva sopeloztarra izango dira. Lehenengoak arrak epaituko ditu eta bigarrenak emeak. Argazkia: cc-by Gianfranco Petrella.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun