Kirol zaletasuna eta festa giroa uztartuko dituzte bihar Altzagan eta Astrabuduan

Larunbat honetan, ekainak 12, arraun eguna izango da Altzagan. Lutxana Arraun Elkartean antolatuta, goizetik gauera izango dira ekitaldiak: piraguen mailegua, puzgarriak, batel promozio estropada, herri bazkaria, magia saioa, bideo emanaldia eta kontzertua, besteak beste. Bestalde, Astrabuduako Athletic Egunaren lehenengo edizioa deitu dute biharko. Athletic Goitiko Taldeak antolatuta, 11:00etatik 14:00etara, haurrentzako puzgarriak izango dira; eta ondoren, trikipoteoa eta herri bazkaria. Azkenik, 18:00etatik aurrera, Salamandras eta Travelling Brothers taldeek emango dute kontzertua. Bitartean, 11:30etik 13:00etara, Astrabuduako kaleetan zehar ibiliko dira joka txistulariak, Iparraize elkarteak antolatuta. Txistuen Alardearen hirugarren edizioa da biharkoa. Argazkia: © Lutxana Arraun Taldea.