Asteazken honetan, ekainak 16, "La maza y la cantera. Juventud vasca, represion y solidaridad" liburuaren aurkezpena egingo dute Algortan. Hitzordua 19:30ean jarri dute Villamonte kaleko kultur etxean. Julen Arzuaga Euskal Herriko Giza Eskubideen Behatokiko abokatua da lan horren egilea. "Euskal gazteriak azken 30 urteetan pairatu duen errepresioaren azterketa sakona egin du. Batez ere kale borroka ekintzek jaso dituzten zigor neurrigabekoak hausnartzen ditu", Uribe Kostako Amnistiaren Aldeko Mugimenduak Etengabe bitakoraren bitartez zehaztu duenez. Euskal gazteriari politika egiteko ate guztiak itxi dizkiotela uste du Arzuagak. Horretaz guztiaz luze eta zabal aritu zen "La maza y la cantera" liburuaren egilea Eguzki Irratiko "Kateak apurtu" saioko lagunek egindako elkarrizketan (mp3). Argazkia: publicdomain Etengabe.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun