Joan den larunbatean Algortako Telletxe plazan egitekoak ziren jai herrikoien aldeko olinpiadak bertan behera utzi behar izan zituzten, eguraldia txarra zela eta. Halaber, euskal gehiengo sindikalak Bilbon deitutako manifestazioarekin bat egitea erabaki zuten antolatzaileek. "Dena den, jaiak antolatzen gabiltzan herritarrok jai herrikoien aldeko aldarrikapenarekin jarraituko dugu. Herritik eta herriarentzat egindako jaiak defendatuko ditugu gaur, bihar eta beti!", adierazi dutenez. Lehenik eta behin, barkamenak eskatu dizkiete olinpiadetan parte hartzeko prest zeuden lagun eta koadrila guztiei. Bestalde, ekimena uztailaren 29tik abuztuaren 1era ospatuko diren Algortako San Inazio festetan egiteko asmoa dutela jakinarazi dute jai herrikoien aldeko gazteek. Argazkian, ikurrinari agurra Algortako San Inazio jaietan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun