Larunbatetan zabaltzeari utziko diote aste honetan Leioa, Astrabudua, Erandio eta Sopelako anbulatorioek
Aste honetatik aurrera, larunbat goizetan zabaltzen duten osasun etxeen erdia aipatu egunetan ixteari ekingo diote Eusko Jaurlaritzako Osasun arduradunek. Horien artean, zapatu honetatik (ekainak 19) aurrera, ez dute asteburuetan arretarik emango Leioa, Astrabudua, Erandio eta Sopelako anbulatorioek. Horien ordez, Areeta eta Gorlizko etengabeko atentzio guneetara joan beharko dute herri horietako gaixoek. Igandeetan eta jaiegunetan ere zabaltzen dituzte horiek. Bitartean, Algortako Bidezabal kaleko osasun etxea larunbatetan zabaltzen jarraituko dute, 09:00etatik 14:00etara. Besteak beste, Leioako Udalbatza agertu da anbulatorioak larunbatetan zarratzearen kontra. Orain gutxi ere, larrialdietarako zerbitzuak bere horretan mantentzea eskatu zuten Barrika, Gorliz, Lemoiz eta Plentziako alkateek. Argazkian, Julian Perez Gil Osakidetzako zuzendari nagusia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun