Uholdeak gertatzeko arriskua ikusita, Eusko Jaurlaritzak larrialdi fasea aktibatzea erabaki du gaur eguerdian. Butroe ibaiak dagoeneko gainezka egin du Mungiako puntu batzuetan. Asua erreka zaintzen ari dira. Gobela ibaiaren emaria, berriz, alerta mailatik gertu dago. Ondorioz, Getxoko Udalak berriro ere eskatu die Neguri Langile, Makaleta, Salsidu-Zubieta eta Aldapako bizilagunei autoak garajeetatik zein arrisku guneetatik kentzeko, baita baliozko gauzak lonjetatik ateratzeko ere. Bestalde, Larrañazubi ikastetxeak eskolaz kanpoko jarduerak bertan behera utzi ditu eta DYAren eguneko zentroak itxiera ordua aurreratu du. Fadurako kiroldegia ere zarratuta dago, udal arduradunen erabakiz. Dagoeneko harezko zakuak jartzen hasi dira atari zein lonja eta garajeetako sarbideetan. Argazkian, auzokideak Gobelari adi aurreko batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun