Mankomunitateko arduradunen hitzetan, kanpainak hainbat helburu ditu: "Bizimetako erabiltzaileek zerbitzu honetaz zer uste duten jakitea, erabiltzaile berriak geureganatzea, Bizimeta zerbitzua herritar guztiei ezagutaraztea eta egingo diren hobekuntzak gizarteratzea", besteak beste. Gainera, ekainaren 28tik uztailaren 2ra, bizikletan ibiltzen ikasteko bi ikastaro egingo dira: horietako bat 0 mailakoa da, bizikletan inoiz ibili ez direnentzat edo aspalditik ibili ez eta orekari eusten ere ez dakitenentzat. Eskainiko duten beste ikastaroa lehenengo mailakoa da: oinarrizko ezaguerak izan, orekari eutsi baina ibilbide luzeak egiteko trebetasunik ez dutenentzat. Ikastarook arratsaldez izango dira. Bata, 16:00etatik 18:00etara eta, hurrengoa, 18:30etik 20:30era, aste batean zehar, astelehenetik ostiralera arte, Sopelako Zipiriñe Ikastetxean.
Ate irekiko jardunaldien egutegia:
- Ekainak 17, osteguna: Sopelako igerilekuetan (10:00-14:00) eta bertoko kultur etxean (16:00-20:00).
- Ekainak 18, ostirala: Urdulizko metroan (10:00-14:00) eta udaletxean (16:00-20:00).
- Ekainak 19, larunbata: Armintzako portuan (10:00-14:00) eta Barrikako udaletxean (16:00-20:00).
- Ekainak 24, osteguna: Plentziako zubian (10:00-14:00 eta 16:00-20:00).
- Ekainak 25, ostirala: Gorlizko udaletxean (10:00-14:00 eta 16:00-20:00).
- Ekainak 26, larunbata: Berangoko metroan (10:00-14:00 eta 16:00-20:00).
Bizikletak dohainik probatzeko aukera emango du Mankomunitateak
2010ko eka. 17a, 11:12
Gaurtik ekainaren 26ra bitartean, Bizimeta zerbitzuko bizikletetan dohainik ibiltzeko aukera eskainiko du Uribe Kostako Mankomunitateak. Kanpainak sei eguneko iraupena du, bi astetan zehar, ostegunetik larunbatera. Gauzak horrela, ate irekiko jardunaldia egingo dute udalerri bakoitzean, bultzatu nahi dituzten tokian tokiko txirrindu-mailegu puntuetan, Sopelan hasi eta Berangon bukatuta. Horretarako, bi begirale egongo dira batera egun eta leku berean: batek kanpainaren informazio‑orriak banatzen dituen bitartean, besteak bizikleten maileguak egingo ditu. Aipatu bezala, horietara doazenek doan erabili ahal izango dituzte bizikletak. Baldintza bakarra da horiek puntu horretan hartu eta utzi beharko direla. Bizikletak erabili ahal izateko, nork bere datuak eman beharko ditu, baita emango zaion dokumentua izenpetu ere. Bizikleta, gehienez ere, 30 minutuz erabiliko da. Ate irekiko jardunaldien ordutegia ondokoa izango: 10:00etatik 14:00etara eta 16:00etatik 20:00etara. Argazkian, Sopelako Kurtzio kultur etxeko mailegu-lekua / © Joseba Zubiaur - Sopelako Udala. Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun