Fruitu lehorrak eta horien azalak batzeko poltsak banatzen dabiltza mankomunitatean
Hondartzetako denboraldi hasiera eta opor sasoia aprobetxatuz, Uribe Kostako Zerbitzu Mankomunitateko Kontsumo Sailak eta Ekogunek, fruitu lehorrak eta horien azalak biltzeko poltsen banaketa kanpaina jarri dute abian, “Zaindu ezazu Uribe Kosta” lelopean. Aurreko urteetan, hareatzetan erabiltzeko hautsontziak banatu dituzte. Poltsei dagokienez, konpartimentu biko paperezko edukiontziak dira. Konpartimentuetako batean fruitu lehorrak eta bestean azalak jartzen dira, gero guztia paperontzira botatzeko, horrela ingurua zikintzea saihesteko. Fruitu lehorretarako poltsen banaketa, eskualdeko hondartzetan, Mankomunitateko Turismo bulegoetan eta udalerri bakoitzeko udaletxeetan egingo da, bukatu arte. Tokiko arduradunek gogoratu dutenez, "gure ingurua garbi mantentzea, heziketa kontua da, inguru natural eta zikinkeriarik gabekoaz gozatzea guztion eskubidea den bezala". Bestalde, Uribe Kostako Mankomunitateak tokiko mugikortasun planaren egikaritzan parte hartzera animatu ditu herritarrak, "auzokideen bizi kalitatea hobetzeko" asmoz. "Zure iritziak lagunduko digu" arduradun uribekostarrek adierazi dutenez. Dokumentuak Interneten kontsulta daitezke. Argazkian, fruitu lehor azalak batzeko poltsa / © Uribekosta.org.
"Mankomunitateko arduradunek eta hori osatzen duten zazpi udaletakoek mugikortasun baldintzak eta irisgarritasuna hobetzeko borondatea dute, betiere iraunkortasunaren ikuspegitik. Udalen artean helburuak, irizpideak eta estrategiak bateratu nahi dira, eta horrek lagundu egingo du Mankomunitatearen nortasuna indartzen eta mugikortasunak gure inguruan dituen erronkei aurre egiteko ekintza bateratuak egiten, horietako askok udalen mugak gainditzen dituzte eta", adierazi dutenez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun