All Jazz Era 2001 urtean jaio zen Gorlizen, hasieran lau taldekide zirela, bakoitza beste talde batzuetatik hurbildutakoa: Azkue (gitarra, Nohizbait), Joseba Azabal “Oilosko” (Bateria, Lipodosis) , Arkaitz San Martin “Murphys” (baxua, Batpez, Gatazka eta Banda Blasfemo) eta Jurdan Amores “ Moro” (gitarra, Batpez eta Gatazka). Handik denbora gutxira lehen kontzertu instrumentalak eskaintzen hasi ziren Uribe kostako inguruetan. 2002an Jurdanek taldea uztea erabaki zuen eta denbora gutxira Itziar (saxofonista) berangoztarra sartu zen taldera bere toke pertsonala ematen. Kontzertuak aurrera joan ziren eta horietako batean Mari Karmen Guillen “Meri“ sopeloztarra (abeslaria) hurbildu eta taldean sartu zen. Handik aurrera, All Jazz Eran taldekide berdinak jarraitu dute. 2005ean, "All Jazz Era" CDa grabatzera sartu ziren Gorlizko Zehatz lokalean. Ondoren, MusikHerrian herri diskoetxean sartu ziren eta Euskal Herri mailan jotzen asi ziren. Taldekideen arabera, "gure musika librea" da eta berau "grabatu, entzun eta konpartitzeko" gonbitea luzatu dute behin eta berriro.
All Jazz Era 2007ko Euskal Herria Zuzenean festibalean
Bihar, ostiralarekin, azken kontzertu batez agurtuko ditu bere zaleak Gorliz, Berango eta Sopelako All Jazz Era funk musika taldeak. Ekitaldia Larrabetzuko gaztetxean izango da, gaueko 11etan. Bederatzi urte elkarrekin eman eta gero azken kontzertua prestatzen dabil taldea. MusikHerriak jakinarazi duenez, "lagunarteko agurra izatea espero dute, hainbeste momentu goxo gogora ekartzen dien Hori Bai gaztetxean, sorpresarik gabekoa, umila, baina alaia izatea espero dute, funk eta rock doinuz bustiko dute gaua". Berezitasun moduan, herriko eskolako guraso elkarteak proposatuta, arratsaldeko 20:30etan ume eta gaztetxoei zuzendutako saio txiki bat egingo dute, gazteak musika eta gaztetxera hurbilduz. Argazkia: cc-by-sa MusikHerria.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun