Bihar, ostiralarekin, Balkoitik Balkoira bertso ikuskizunaren 12. edizioa burutuko dute Algortako Portu Zaharrean. Algortako Bertsolari Eskolak (ALBE) antolatuta, oraingo honetan, Jone Uria Albizuri Uribe Kostako txapelduna eta Miren Amuriza Plaza Durangaldekoa arituko dira eta, ohi bezala, ekitaldia Algortako Etxetxu plazan izango da, 22:00etan. Bi bertsolariak azken Euskal Herriko Txapelketa Nagusiko "errebelazioak izan dira", ALBEtik gogoratu dutenez. Balkoitik Balkoira bertso modalitate ikusgarrian, parte hartzen duten bi bertsolariek balkoi banatik botatzen dituzte euren bertsoak, 1802an Tolosan hasi zen tradizioa berpizteko asmoz. Oraingo honetan, ekitaldi honen hamabigarren edizioa izango da Algortan, 1998an San Nikolas plazan lehenengo aldiz ospatu zenetik, publikoaren erantzuna apartekoa izan zelarik. Argazkian, Amuriza Larrabetzun kantari, 2008ko Bizkaiko txapelketan.
Ohi bezala, bertso modalitate mota hau oso berezia denez, saioa iluntzean hasiko da. Ekitaldiaren erakargarritasuna indartzeko argiztapen berezia jarriko da Algortako Portu Zaharrean. Bertan, ikus-entzuleek bi bertsolarien bertso libreez gozatu ahal izango dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun