Algortako Telletxe plaza eta bere ingurua birmoldatzeko proiektuaren lehenengo fasea dela eta, gaur bertan abiatu dituzte obrak Torrene eta Juan Bautista Zabala kaleetan, aldi berean. Hain zuzen, Algortako Etorbidetik Telletxe plazarako norabidean, bi kaleen elkarguneko bide-zatietan ari dira. Argiztapen, komunikazio, energiako kanalizazio, edukiontziak lurperatzeko eta zolaketa lanak egingo dituzte, hurrenez hurren. Fase horretako obrek hilabete eta erdi inguru iraungo dutela uste dute Udalekoek; edukiontzi lurperatuak jartzekoak kenduta. Azken horiek gauzatzeko teknika konplexua da eta kaltetutako zerbitzuak desbideratu beharko dituzte, tokiko arduradunek azaldu dutenez. Zolaketa-lanak egiten diren bitartean, pasabideak jarriko dituzte uneoro saltokietarako eta atalondoetarako sarbidea egon dadin. Bestalde, puntualki, garajeetarako sarbidea galaraziko dute, beti ere aldez aurretik jakinaraziz. Argazkian, Algortako Telletxe plazako proiektuari buruzko erakusketaren aurkezpena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun