Bihar zortzi, ekainak 29, Hego Euskal Herrian deitutako grebarekin bat egin dute Leioako makina bat kolektibok, ikaslek, langilek jubilatuk eta langabek. Dagoeneko, Leioako Greba Komitea eratu dute, Zapateroren Gobernuak darabilen lan erreforma eta murrizketa sozialen aurkako greba benetan orokorra izan dadin. Orain, Greba Komitea zabaldu nahi dute eta horretarako herri asanblada deitu dute biharko, asteartearekin. Hitzordua arratsaldeko 20:30etan jarri dute, Leioako udaletxeko frontoian. Bertaratzea eta parte hartzea eskatu diete langile, merkatari, tabernari eta Leioako auzokide orori. Ekainaren 29ko greba ELA, LAB, ESK, EILAS, EHNE eta Hiruk osatzen duten euskal gehiengo sindikalak deitu zuen, aldi berean euskal lan esparrua aldarrikatuz, eta handik gutxira CCOO, CGT-LKN eta LSB sindikatuek ere deitu zuten, bakoitzak bere aldetik, bestelako mezuekin. UGT aurka agertu da. Irudian, Leioako Langabetuen Asanbladak ere grebara deitu du / cc-by LLA.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun