Gorenak, gainera, gogor kritikatu du Garcia Nicolasen epaia. Gorenaren aburuz, sententzian "gertatutakoaz ez dago aipamen txikiena ere" eta "froga-koadroaren tratamenduari dagokionez emaitza negargarria da". Are gehiago, frogen azterketa sistematikoa baino, aurrekaririk azaltzen ez diren "loturarik gabeko baieztapenak" daudela salatu du Auzitegi Gorenak. Hortaz, zigortutakoen "babes judizial eraginkorrerako eta errugabetasun presuntziorako eskubideak ezinbestean urratu" direla jakinarazten du.
Defentsak eskatutako absoluzioa eman egin du, beraz, auzitegiak. Izan ere, gazteen abokatuek salatu zutenez, froga bakarrak, guardia zibilen eskuetan zeudenean gazteek egindako haien buruen aurkako deklarazioak, torturapean lortu ziren. Akusatuek ere, "muntaia poliziala" zela azaldu zuten. Bitartean, Mikeldi Zenigaonaindia aulestiarra birritan bahitu dutela salatu zuen pasa den maiatzaren 30ean.
"Zutabe"-en auzian zigortuta gelditzen ziren bost gazteak aske utzi ditu Espainiako Auzitegi Gorenak, Gara.net-ek jakinarazi duenez. Erika Bilbao Erandioko auzokidea ere inputatu zuten ETAren aldizkariak banatze saretzat jo zuten bederatzi gazteren aurkako sumario horretan eta bere aurka zortzi urteko espetxe zigorra eskatu zuen fiskalak 2007an egindako epaiketan. Halere, epaiketa egin eta 25 hilabetetara, Fernando Garcia Nicolas epaileak Bilbao, Urtzi Etxebarria, Jon Akarregi eta Gaizka Likona lau gazteak aske utzi zituen eta bosna urte ezarri zizkien Ibon Goitia eta Xabier Erkiaga lekeitiarrei zein Iker Legarra, Mikeldi Zenigaonaindia eta Mitxel Zenarruzabeitia aulestiarrei. Horiek guztioriek absolbitu ditu orain Gorenak. Argazkian, iaz Erandion egindako mobilizazioa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun