Leioa eta Sopelako jaiak direla eta egun hauetan motelago ibiliko da UKBERRI.NET

Gaur, asteazkena, hasi eta igandean amaituko diren Leioako San Juan jaietan murgilduta ibiliko da UKBERRI.NET. Izan ere, Uribe Kosta eta Erandioko agerkari digital hau Maritxu Teilagorri Txosna Batzordeko kidea da. Aurten, gainera, Koska irratiarekin batera jarriko dugu txosna. Bestalde, ekainaren 25etik 29ra, San Pedro jaiak ospatuko dira Sopelan; eta horietan ere txosna jarriko du UKBERRI.NETek, Leioan bezala Koska irratiarekin. Izan ere, bi eragileak dira Sopela eta Larrabasterrako Txosna Batzordeko kideak. Hain zuzen, horrek sortutako konpromisoak zein festa horietan digital hau mantendu ahal izateko txosna jartzeak eragindako lanak direla eta, albistegi digital euskaldunaren jarioa motelagoa izango da egun hauetan. Bitartean, irailera arte agur esan du bi eragileok ekoizten dugun "Koskaberri" izeneko irratsaioa. Horregatik, barkamena eskatu nahi dizuegu webguneko irakurle eta irratiko entzule fidel zareten guztioi. Hala ere, horrek ez du esan nahi elkar ikusiko ez dugunik. Txosnagunera hurbiltzea besterik ez duzue horretarako. Beraz, Leioako Sanjuanetan eta Sopelako Sanpedroetan elkarrekin izango garelakoan, ondo pasa!