Uztailaren 5ean, "Zinema arratsaldeak" zikloa abiatuko dute zeinean nagusiei zuzendutako filmak programatuko dituzten. Emanaldi guztiak astelehenetan izango dira, 18:00etan, Berangoetako kultur etxean. "Gran Torino" filmak zabalduko du egitaraua, hilaren 5ean. Horren ostean etorriko dira, "Para que no me olvides", hilaren 12an; eta "Mejor imposible", 19an. Amaitzeko, "La vida es bella", proiektatuko dute 26an.
Txangoak
Txangoak dira beste jarduera aipagarrienetariko batzuk. Uztailaren 6an, Arte Ederren Museora joango dira. Nazioarte mailan garrantzirik handiena daukan euskal diseinugileari eskainiko erakusketa dago ikusgai bertan. Bere "pret-a-porter" sorkuntza lanekin lilura eragin zuen gipuzkoar ezagun horren ibilbidearen errepaso interesgarria egiten du "Balenciaga, el diseño del limite" mostrak. Interesa duten nagusiek ekainaren 28tik uztailaren 2ra izango dute izena emateko aukera.
Uztailaren 21eko irteera zeharo ezberdina izango da, arratsaldez Bilbotik egingo baitute paseoa txalupa barruan. Honetan ere izena emateko, ekainaren 28tik uztailaren 2ra egongo da zabalik epea. Bestalde, uztailaren 27an Tolosa eta Ordizia bisitatuko dituzte. Nagusien Etxeko plazan jaia eginez emango diete bukaera ekitaldiei, uztailaren 30ean. Iñaki Uribesalgok girotuko du txitxarrillo dantzaldia.
Aiton-amon eta bilobak batuko dituzte Berangoko Nagusien Etxeko urteurrena ospatzeko
Berangoko Nagusien Etxeko urteurrena ospatzeko ekitaldien artean, zinema arratsaldeak eta belaunaldien arteko topaketa antolatu dituzte. Ekitaldiak ostiral honetan hasiko dira, 20:00etan, Santo Domingo de Guzman elizako edadetuen koruak eskainiko duen herri abestien kantaldiaren bitartez. Topaketa, berriz, uztailaren 2an izango da. Besteak beste, haurrentzako tailerrak antolatu dituzte aiton-amonek. Nagusien Etxean egingo den ekitaldian, bilobak ere parte hartzea da asmoa. Bi egun beranduago, uztailaren 4an, berriro ere musika izango da protagonista. Fernando Bolanzek piano kontzertua eskainiko du elizan, 13:00etan. Argazkian, aitona bilobekin Berangon.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun