Hilaren 22ko bileran, EHUko Gizarte Kontseiluak onespena eman zion eskaintza osoari eta Eusko Jaurlaritzari helarazi dio. Bestalde, ohiko deialdian hautaprobak gainditu dituzten Euskal Autonomia Erkidegoko Batxilergoko ikasleek matrikula egin ahal izango dute aste honetan EHUn, eta onetsia izan berri den graduko tituluen eskaintza osoa izango dute aukeran, titulazio berriak tartean, hala nola Sorkuntza eta Diseinua, Bioteknologia edo Kriminologia, unibertsitateko iturriek zehaztu dutenez.
Goirizelaiak azaldu zuenez, "graduei berme guztiak eman gura izan dizkiegu eta horregatik gure eskaintza diseinatu dugu erabat egokituta bai gizartearen premiei eta bai legearen azken aldiko eskakizunei". Titulazio batzuetarako arauen azken aldaketak oraintsu gertatu direnez, graduak "guztiz eguneratuta" abiatuko dira: "onetsita ditugu eta printzipioz ez zaie inongo moldaketarik egin behar izango. Horretaz gain, geure hezkuntza eredua ezarri diegu, urte batzuetatik hona erabiltzen gabiltzan metodologia aktiboetan oinarritua. Gradu berriek kalitatea bermatzeko sistema dute, eta hari esker gai izango gara ikasketei jarraipena egiteko eta haien errendimendua ikusteko, etengabeko hobekuntzaren eredu baten esparruan", azaldu zuenez. "Unibertsitateko kidego guztiek", amaitu zuen errektoreak, "itzelezko ahalegina egin dute eskaintza berri hau ontzeko. Guztiei -ikasleei, irakasleei eta unibertsitatean behar egiten duten profesional guztiei- eskertu behar diegu prozesu hau onez burutu izana".
Bolognara guztiz egokituta, 67 gradu titulu eskainiko ditu datorren ikasturtean EHUk
Euskal Herriko Unibertsitateak datorren ikasturterako graduen behin betiko eskaintza aurkeztu du jada. Lehen ikasturtea izango da euskal unibertsitateak Europako Unibertsitate Eremura guztiz egokitutako graduko tituluak eskaintzen dituena, orain dela zenbait ikasturte graduondoko tituluekin egin zuen bezala. "Graduen eskaintza orekatua eta kalitatekoa egin dugu. Ikasleek prestakuntzako epe bat izango dute lehendabizi, eta gero graduondoko aukera ikaragarri zabala eskainiko zaie", azaldu zuen atzo Iñaki Goirizelaia errektoreak. Guztira graduko 67 titulu dira, batzuk unibertsitatean aspaldi sustraituak eta beste batzuk berriak: Arte eta Giza Zientzietako 10 titulu; Zientzia Esperimentaletako 9 titulu; Osasun Zientzietako 6 titulu; Gizarte eta Lege Zientzietako 23 titulu; eta Ingeniaritza eta Arkitekturako 19 titulu. Titulazioetako batzuk campus batean baino gehiagotan ematen direnez, EHUk denetara 91 gradu eskainiko ditu bere 31 fakultate eta eskoletan. Argazkian, Bolognaren kontrako itxialdi bat Arte Ederretan / cc-by-sa Topatu.info.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun