Leioan dozenaka lagun batu dira, goizean, herriguneko kaleak zeharkatu dituen pikete informatibora. Dendaz denda eta tabernaz taberna ibili dira eta, horiek ikusi orduko, merkatarietatik askok pertsianak jaitsi dituzte. Hainbat banketxek ere ateak ixtea lortu dute grebalariek, tartean Banco Santander, BBVA eta Caixa zeudela. Hala ere, piketea joan orduko berriro zabaldu dituzte. Kultur Leioa barruan, berriz, "EAJk udal guneetan darabilen entxufismoa" salatu dute. Uneoro ertzainek "zainduta" egon dira grebalariak: denbora gutxira bigarren patruila autoa batu zaio hasieran zebilenari. Hala ere, ez da gora beherarik egon. Goizeko 10etarako, berriz, kontzentrazioa zeukan deituta Bulebarrean Leioako Greba Batzordeak. "Murrizketa sozialik ez! Ekainaren 29an greba orokorra!" irakur zitekeen pankarta atzean 75 lagun inguru batu dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun