Bitartean, uztailaren 10ean, larunbata, “Pinki, historia de una injusticia” dokumenta izango da ikusgai. Fernando Etxegarai "Pinki" Barakaldon jaio eta Plentzian lekututako euskal preso politikoa 2008ko urtarrilaren 4an atera zen Pontevedrako A Lamako espetxetik, zigor osoa beteta. Bada, bi hilabete eta erdi kalean eman ondoren, plentziarra bilatu eta atxilotzeko agindua eman zuen Espainiako Auzitegi Nazionaleko 1. atalak, aske jartzea erabaki zuen sekzio berbera alegia. Etxegarairi Parot doktrina gisa ezagutzen den 197/2006 jurisprudentzia ezarri (zigor murrizketak kontuan ez hartzea), eta beste lau urte eta hiru hilabete preso egin behar zituela jakinarazi zioten. Gauzak horrela, urte horretako maiatzaren 6an atxilotu zuten berriro eta, Basauriko espetxean eduki ondoren, berriro eraman zuten A Lamara. Epaileak abokatuek aurkeztutako errekurtsoa onartu eta gero, 2008ko maiatzaren 19an atera zen A Lamako espetxetik Fernando Etxegarai.
Azkenik, uztailaren 11n, igandea, ekitaldia eta herri bazkaria egingo dituzte.
Kandelaria kultur elkarteak antolatuta, hainbat ekitaldi izango dira datozen egunotan Plentzian. Gaur, asteazkena, "Plentzia, Gorliz, Lemoiz eta Barrikan pairatutako errepresioa" izenburuko hitzaldia eskainiko du David Crestelo "Kres" plentziarrak. Hitzordua 19:30ean jarri dute Goñi Portal kultur etxean. Bihar, berriz, “Sagarren denbora” film dokumentalaren proiekzioa izango da toki eta ordu berean. Josu Martinezek eta Txaber Larreategik egina, Kristiane Etxaluzek eta Afrikako Sao Tomen deportatuta daukaten Alfontso Etxegarai iheslari plentziarrak elkarrekin daramaten bizimodua du oinarri. Gite-Ipes elkarteak ekoiztu duen film hori Baionako Atalante zineman erakutsi zuten lehenbizikoz ekainaren 11n. Ostiralerako ere solasaldia antolatu dute, "Lemoizko zentral nuklearra. Borroka, errepresioa, garaipena (gaurkora begira gogoetatik)" izenburupean. Hitzordua, nola ez, 19:30ean, Goñi Portalen. Argazkian, "Parot doktrina" delakoa aplikatuz Espainiako Polizia Nazionalak Fernando Etxegarai Gaztearena "Pinki" preso ohia atxilotu izana salatu zuten 2008ko maiatzaren 6an Plentzian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun