Egizuk antolatutako jardueretan dagoen partaidetza areagotzen ari da urtez urte. Udalekoek jakinarazi dutenez, 2009an guztira 3.335 lagun izan ziren ekintzaren batean eta, horrela, 200 pertsona 28 berbalagun taldeetan; 1.920 kultur jardueretan; 240 sei literatur saiotan; 310 hamabost kirol saiotan eta beste 865 familietan euskaraz hitz egitera bultzatzeko Sendiren tailerretan eta ikastaroetan.
Iaz bezala, Getxoko Udalak 37.000 euroko diru-laguntza emango dio aurten Egizu Getxo Euskaldun! elkarteari, euskara sustatzeko jarduerak antolatzen laguntzeko. Aurten ere berbalagun taldeak martxan jarriko dituzte, euskaldunak eta euskara ikasten dabiltzanak batzeko. Horiekin batera, kultur eta kirol ekitaldiak ere antolatzen ditu Egizuk: mendi taldea, iraupen eskia, bizikleta taldea, pala taldeak, gurpil gaineko irristaketa eta yoga ikastaroa, tartean. Horretaz aparte, literatura ekimenak ere egiten dituzte, hala nola, Uribe Kostako ipuin laburren lehiaketa, idazleak gurean eta ipuinak familian aurreikusten dituztenak. Azkenik, euskaraz bizi ahal izateko dauden baliabideen berri ematen du "Kliska" aldizkariak. Argazkian, berbalagun batzuk Trebiñura egindako txangoan / Egizu!.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun