Orotara, 14 getxoztar aurkeztu dituzte euren lanak Algortako San Inazio jaietako aurtengo kartel lehiaketara, tokiko jai batzordeak adierazi duenez. Hala ere, lan guztien artetik bakarra saritu behar zuten eta, horrenbestez, Jorge Perales gazte algortarrak egindako afixa aukeratu dute, 2010eko festetako irudia izateko. Orain arte Algortako San Inazioetako esparru nagusia izan den tokian egiten ari diren Getxo Antzoki berriko lanak gai bezala hartuz, “Obretan eta jaietan ere euskaraz!” leloarekin jantzi du kartela Peralesek. Irabazteagatik, 300 euro jasoko ditu mutilak. Lehiaketara aurkeztutako gainontzeko lagunei dagokionez, "eskerrik beroenak" eman eta horrela segitzeko eskatu die Algortako San Inazioetako batzordeak. Kartel gehienak euren bitakoran jarri dituzte ikusgai. Hala ere, pare bat ezin izan dute jarri, "formatu digitalean aurkeztu ez edo aurkeztutako artxiboa matxuratuta zegoelako". Gauzak horrela, eragozpenak barkatzeko eskatu dute. Argazkian, Jorge Peralesek egindako kartela / cc-by Algortako San Inazioak. Aurkeztutako lanak ikusteko sakatu hemen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun