Hainbat film laburrekin nabarmendu ondoren, Koldo Serra getxoztarrak 2006an aurkeztu zuen Donostiako Nazioarteko Zinemaldian "The Backwoods" filma, Gary Oldman aktorearekin. Egun, telebistarako fikzio lanak egiten ditu: "Gominolas", "El Comisario", "La Hora de Jose Mota" eta Kolonbian filmatutako eta estreinatu berri den "Karabudjan", Hugo Silva protagonista duena, besteak beste.
Zinema tailerra antolatu dute hilaren 9tik 16ra Leioako Arte Ederretako Fakultatean
Bihar, hilaren 9an, abiatuko da Bilbo Arte eta Kultura (BAK) ikastaroen barruan antolatutako zinema tailerra. Leioa eta Erandioko campuseko Arte Ederretako Fakultatean egingo dute eta, antolatzaileek diotenez, "eskaera gehien izaten dituen ikastaroetako bat da hau". Aurten, fikziozko istorioetan zinemaren eta telebistaren arteko harremana landuko dute. Bertan bilduko dira EHUko Arte Ederretako Fakultateko ikasle izandako hainbat zuzendari: Borja Crespo, Koldo Serra, Kepa Sojo Gil, Victor Cabaco, Juan Flahn eta Jorge Nuñez, besteak beste. Ikastaroak alde teorikoa eta praktikoa izango ditu. Lehenengoan, zinemako maisuen lanak aztertu eta gaur egungo eta iraganeko zinematografiako alderdiak jorratuko dituzte. Alde praktikoan, berriz, partaideek film laburra egingo dute. Ikastaroa uztailaren 9tik 16ra bitartean izango da. Argazkian, besteak beste, Koldo Serra zuzendari getxoztarrak parte hartuko du tailerrean / cc-by-sa Fluzo.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun