"Emakumeek kaleetatik aske ibiltzeko duten eskubidea", aldarrikatu du Eigurenek, "mota horretako erasoak pairatu behar gabe". Ildo horretan Udalak eskubide hori era naturalean bizitzeko beharrezko neurriak bultzatzen dituela eta bultzatzen segituko duela azpimarratu du.
Azkenik, udal arduradunek horrelako kasuetan eskura izateko telefonoak gogoratu dituzte:
• Udaleko Gizarte Zerbitzuetako Saila (944 660 101), aholkularitza juridikoko zerbitzua eta arreta psikologikoa eskaintzen dituena.
• Eusko Jaurlaritzako Telefono Arreta Zerbitzua (900 840 111).
• Getxoko Udaltzaingoa (944 660 202).
• Ertzaintza (944 063 420.
• SOS DEIAK larrialdietako zerbitzua (112).
Imanol Landa Getxoko alkateak erabateko gaitzespena kaleratu du asteburuan Itzubaltzeta / Romon "ustez gertatutako emakume baten bortxaketagatik". Erasoa atzo igande goizaldean izan zen eta horren ostean emakumea Gurutzetako ospitalera eraman zuten. Dagoeneko ikerketa abiatu du Ertzaintzak. Alkateak gaitzetsi du "eraso sexuala indarkeri sexistaren adierazpen argia baita eta emakumeen askapenaren urraketa larria suposatzen du. Denok salatu, errefusatu eta horren kontra borrokatu behar dugu", gaineratu du. Era berean, Udalak sentsibilizazio, prebentzio, heziketa eta segurtasun alorretatik lan egiten segituko duela, adierazi du Landak, mota horretako erasoak ez gertatzea helburuen artean duten programak aurrera eramaten. Keltse Eiguren Berdintasunerako Zerbitzuko zinegotziak ere jasandakoaren aurrean bere gaitzespena eta arbuioa agertu ditu, "sexu erasoak emakumeenganako indarkeriaren adierazpen larria baitira". Argazkian, Imanol Landa eta Keltse Eiguren artxiboko irudi batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun