Ipar Euskal Herriko Euskal Irratiak eta Uribe Kostako Koska irratiaren arteko koprodukzioa den "Gazte Zaparrada" irratsaioak webgunea sareratuko du etzidamu, ostiralarekin. Topatu.info gazte komunikabideak gaur zabaldu duenez, aipatu "komunikazio proiektuak webgunea izango du uztailaren 15etik aurrera", Frantziako jaio nazionala atzean utzita. Azken urte honetan, "Gazte Zaparrada" irratsaioa egiten aritu dira Lapurdi, Behe Nafarroa eta Zuberoan euskal gazteriaren bozgorailu izateko asmotan, baina uztailaren 15ean, beste urrats bat emango dute www.gaztezaparrada.info webgunea martxan jarriz eta eguneroko gazte informazioa zabalduko dute bertan. Horretarako, gazte eragile guztiei haien deialdiak eta informazioa bidaltzeko eskatu dute. Argazkian, Koska irratiko estudioa.
"Gazte Zaparrada"ren oharra:
Urte oso batez astero irratsaio bat burutu ondoren, Gazte Zaparradak webgunea irekiko du Uztailaren 15ean: www.gaztezaparrada.info
Zer da Gazte Zaparrada?
Gazte Zaparrada gazteek gazteentzat eginiko komunikazio eremu bat da. Gazteok zer erran handia dugu, baina, usu ez digute behar adina edo nahi adina leku eskaintzen.
Gazte Zaparradak, Gazte Mugimenduaren borroken bozgorailu izan nahi du.
Gazte Arloko eragile sozial, kultural, politiko... ezberdinei beraz deia luzatzen diegu antolatzen duten guziari buruz informazioa bidal diezaguten.
Hartu argazkiak, grabatu soinuak, bideoak... bidali kronikak eta gure webgunean hedatuko ditugu.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.