Getxoko Bai Udalbiltzari Babes Taldeak antolatuta, joan den larunbat eguerdian, 40 bat lagun elkartu ziren Algortako Kasino plazan, uztailaren 15etik aurrera Espainiako Auzitegi Nazionalean epaituko dituzten 22 lagunei babesa adierazteko asmoz. Pankarta atzeko elkarretaratzeaz gain, Udalbiltzaren bilakaerari eta auzipetzeari buruzko bideo emanaldia, elkartasun mezuak plazaratzeko panela, musika, txalaparta doinuak, esku orrien banaketa eta atxikimenduen bilketa izan ziren, hurrenez hurren. Bide batez, hilaren 17an Bilbon izango den nazio manifestazioan parte hartzera deitu zituen herritarrak Getxoko Bai Udalbiltzari Babes Taldeak. “Udalbiltza aske! Bai Udalbiltzari, Bai Euskal Herriari!” lelopean, 17:30ean abiatuko da martxa Casillatik. Argazkian, larunbat eguerdiko elkarretaratzea Algortan. Irudi gehiago ikusteko sakatu hemen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun