Marmokak antzemateko kanpaina horren bitartez, herritarren artean, animalia horien eta bere banaketaren inguruko ezagupenak hobetzea espero dute; baita eskualdeko hondartzen egoera suspertzea ere, bainu eremuetan marmoken helduera iragarrita.
Zelan parte hartu:
Parte hartu nahi duen edonork izena eman dezake uztailaren 23a baino lehen, ondorengo helbidean: mceballo[abildua]tragsa.es. Bestalde, www.planmedusas.es webgunean kanpaina horri buruzko informazio gehiago eskuratzeko aukera dago.
Uribe Kostako Mankomunitateak kanpaina berria martxan jarri du. Espainiako Ingurumen, Landa eta Itsas inguruneko Ministerioak sustatuta, marmoken antzemate goiztiarrarekin batera, ur gaineko hondakinei jarriko die arreta ekimenak. Helburua itsasertz osoan behatzaileen sare bat osatzea da. "Maiz nabigatzen duenak edo itsasoan denbora asko ematen duenak, eta marmoken edo ur gaineko hondakinen presentziaz abisatu dezakeela uste duenak, Marmoka Kanpaina honetan parte har dezake behatzaile moduan", adierazi du Mankomunitateak. Argazkian, marmoka bat itsas azalean / cc-by-sa Luistxo eta Marije.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun