Itzubaltzetako Emakume Gazteon Asanbladak salatu duenez (mp3), igande goizekoa "ez da eraso isolatua izan". "Aurretik ere bestelako eraso saiakerak izan direla badakigu", nabarmendu dutenez. Mota horretako jarrerarik inolaz ere ez duela onartuko ohartarazi du IEGAk. Gauzak horrela, aurrerantzean eman daitezkeen erasoen aurrean erantzuteko deia luzatu diete guztiei eta "batez ere emakumeei".
Elkarretaratzeko argazkiak:
"Nazkatuta gaude! Emakumeon aurkako erasorik ez!" irakur zitekeen pankarta inguruan batu dira 350 bat emakume eta gizon, gaur iluntzean, Itzubaltzeta / Romoko Kolas eta Santa Eugenia plazen artean, aspaldi herri horretan egin den protestarik zabalena osatuz. Bertoko 29 urteko emakume batek igande goizean pairatutako bortxaketa salatu dute horrela auzokideek eta inguruko herrietatik gerturatutako lagunek. Anitzak izan dira Itzubaltzetako Emakume Gazteon Asanbladak egindako deialdiarekin bat egin duten auzokideen ideologiak eta belaunaldiak, baita eragileetako ordezkarien jatorria ere. Bertan ziren, besteak beste, Leioa, Algorta eta Erandioko Emakume Gazteen Asanbladak, Bilgune Feminista, Gizatiar, LAB, ezker abertzalea, Ikasle Abertzaleak, Itzubaltzeta gaztetxea, Itzubaltzeta / Romo eta Pinuetako Jai Batzordea, eliza katolikoa, Bizarra Lepoan eta beste hainbat erakundeetako kideak. Baita dozenaka tabernari, dendari, etorkin, gazte koadrila, kirolari eta auzokide soil ere. Argazkian, arratsaldeko kontzentrazioa Itzubaltzetan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun