Bestalde, Roda elkarteak 4.460 euro jasoko ditu zaintzaileak zaintzeko jarduerak bideratzeko. Hamalau euro gutxiago izango ditu Andrak elkarteak kinesiologia-musikoterapia alorrean erabiltzeko. Azkenik, Berdintasuna taldeak 4.515 euro lortuko ditu emakumeen jabekuntza sendotzeko asmoz harremanak sortzeari buruzko tailerra martxan jartzeko. Era berean, gizonezkoei zuzenduta, generoari buruzko sentsibilizazioa eta lanen banaketa lantzeko beste tailer bat antolatuko du.
Udalak jakinarazi duenez, diru-laguntzen deialdian honako elkarteak izan dute parte hartzeko aukera: nortasun juridikoa duten dirua irabazteko asmorik gabeko erakundeek, Getxon egoitza soziala izanda, emakumeek osatuta eta Eusko Jaurlaritzaren Elkarteen erregistroan eta Getxoko Erakundeen Udal Erregistroan izena emanda. Era berean, nortasun juridikorik izan ez arren egoitza soziala Getxon duten pertsona fisikoek edo juridikoek ere eskatzeko aukera izan dute.
Emakumeen parte hartze politiko eta soziala errazteko 19.000 euro banatu ditu Getxoko Udalak
Getxoko Udaleko Berdintasunerako Zerbitzuak 19.000 euro banatuko ditu udalerriko lau emakume elkarteren artean. Laguntzen helburua "emakumeen parte hartze politiko eta soziala errazten duten programak eta proiektuak garatzea eta udalerrian gizonen eta emakumeen berdintasuna bultzatzea da", udal iturriek jakinarazi dutenez. Dena den, Udalak xede horrekin onartu zuen 21.066 euroko funtsaren %9,81 banatzeke gelditu da, Udalak horren zergatia azaldu ez duela. Gauzak horrela, Eskuz-Esku elkarteak laguntzarik handiena jaso du: 5.293 euro. Izan ere, Eskuz-Eskuk historia, filosofia, literatura, aro modernoko artea, gorputzeko garapen eta adierazpena eta diseinu grafikoari buruzko jarduerak programatu ditu urtean zehar. Argazkian, Getxoko emakumeen elkarteak horma-irudia egiten Emakumeen Nazioarteko Egunean / Urtzi Altube - Ilanda.eu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun