Iturri horien arabera, orain dela aste batzuetatik hona lokala azpiegitura bezala erabiltzen zuten bide publikoan sexu zerbitzuak diru truke eskaintzen zituzten zenbait emakume hegoamerikarrek. Auzotarren arabera, itxiera "esperokoa zen, Getxoko Udalak ez du prostituzioari buruzko ordenantzarik eta lan hori, berez, ez da ilegala baina era batez ala bestez erditik kenduko zituztela argi zegoen", diote.
Bestalde, Espainiako Polizia Nazionalaren Atzerritar eta Mugetarako Brigada berak atzo ere ustezko emakumezkoen salerosketarako sare bat desegin zuen Bilbon. Paraguaitik Bilbora ekartzen zituzten andrak, lana eta etorkizun oparoa eskainiz, baina Euskal Herrira heltzean beren buruak prostituitzera behartzen zituzten. Operazio horretan, ustezko hiru arduradunak atxilotu dituzte, haietako bi Paraguaiko senar-emazteak. Itzubaltzeta / Romoko eta BIlboko operazioak loturaren bat duten ala ez esateko datu nahikorik ez dago oraingoz.
Putetxe bat itxi eta hiru emakume eraman ditu Espainiako Poliziak Itzubaltzetatik
Espainiako Polizia Nazionalaren Atzerritar eta Mugetarako Brigadak Itzubaltzeta / Romoko Santa Eugenia kaleko lokal bat itxi zuen atzo eta bertan zeuden hiru emakumeak eraman egin zituen. "El Correo Español" egunkariak gaur kaleratu duenez, operazioa arratsaldeko 6:30etik 7:45era garatu zen, Santa Eugenia kaleko 18. zenbakiko lonjan. Miaketan kalez jantzitako Espainiako poliziek parte hartu zuten, inguruak Getxoko udaltzainek zaintzen zituzten bitartean. Araketa amaitu ostean lokala itxi zuten, baina ez zuten prezintatu, eta lokalaren barnean ziren emakume gazte atzerritarrak eraman egin zituzten bi autotan, baina ez dago argi atxilotuta daudenetz. Getxoko Udalak "El Correo Español"-i emandako azalpenen arabera, Poliziak ikertutako "atzerritarren egonaldi ilegalarekin" lotutako konturen bat zen eta agindu judiziala lortu ostean egin zuten miaketa. UKBERRI.NETek kontsultatu dituen auzokideen arabera, berriz, itxitako lokala putetxe bat zen. Argazkian, Espainiako Polizia Nazionaleko agente bat aurreko operazio batean Algortan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun