Udal iturrien arabera, aipatu txostenak dio egungo legediak oinarrizko proiektua faseka egitea baimentzen duela, faseka banatzeko berezitasun teknikoa betetzen baldin badu. “Fase desberdinez hitz egiten ari gara, jokabideak desberdinak direla, ezaugarri tekniko desberdinekin eta esleipen desberdinak eduki ditzaketelako, adjudikazio orokor bakarraren ordez", azaldu du Landak. Tokiko mandatariak jarraitu duenez, "proiektua faseka egiten ari da, teknikariei denbora iraztea ahalbidetzeko, proiektua bera hobetze aldera, etengabeko azterketa izan dadin". Kritikatu duenez, "PPk aurreko faseak ez ditu inoiz zalantzan jarri, baina bai hirugarrena eta hori ez da ulertzen". Landak gogoratu du proiektua "zazpi bider" pasa dela udal osoko bilkuratik, batzuetan alderdi guztien adostasunagatik, PP barne. "Are gehiago, Getxo Antzokiaren oinarrizko proiektua eta bideratzea faseka egitea apirileko osoko bilkuran onartu zen gobernu taldearen eta talde sozialistaren aldeko botoekin, eta osoko bilkuran lehen fasearen esleipena (indusketa) ere onartu zen. Hau da, esleipen bakoitza dagokion organoak egiten du, zenbatekoaren arabera eta legearekin bat egiten, edo osoko bilkuran edo Tokiko Gobernu Batzordean, kontratazio mahaitik igaro ondoren”, esan du alkateak.
Arrakastarik gabe
Agintari getxoztarraren arabera, “denok dakigu Arrue andereak 20 urte daramatzala Udalean Getxoko alkatea izaten saiatzen, arrakastarik gabe, eta jakin badakigu enfrentamendua eta krispazioa bultzatzea dela bere estrategia preziatuena oposizioan. Baina, salaketa honekin, estrategia horretan emandako jauzi kualitatiboa oso esanguratsua da, ustelkeria susmoa gobernu taldearen eta osoko bilkuraren erabakiak bermatzen dituzten udal zerbitzu teknikarien gainean ipintzen saiatzen ari delako eta politikan denak ez du balio. Hala ere, guk gurea egiten segituko dugu, Getxo hobetzeko zintzotasunez lan egiten, era positiboan, eta elkarrizketatik eta hitzarmenetik, gure auzokideek nahi duten bezala”.
Getxo Antzokiaren proiektua Ustelkeriaren kontrako Fiskaltzara eraman du Arruek
Getxo Antzokiko lanak fase ezberdinetan egiten ari direlako, Ustelkeriaren kontrako Fiskaltzan salaketa aurkeztu du gaur Marisa Arrue Getxoko PPko bozeramaileak. Imanol Landa alkate getxoztarrak, baina, berriro ere erantzun dio Getxo Antzokia faseka egitea "egungo legearen barrukoa" dela, "PPk berak eskatuta, Udaleko Idazkaritza Orokorraren txosten batek egiaztatzen duen bezala, Fiskaltzan aurkeztu ez duen arren". "Legeak aurreikusten dituen publizitate betebeharrak eta kontratazio sistema guztiak ere betetzen ditu. Hortaz, gure jokabidearekin guztiz lasai gaude", tokiko agintariak gaineratu duenez. Argazkian, Getxo Antzokia eraikitzeko lehenengo fasea / © San Nikolas Auzo Elkartea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun