Uztailaren 29an hasiko da Sopelako Pro Junior surf txapelketaren laugarren edizioa. Proba abuztuaren 1ean bukatuko da eta 21 urtetik beherako 150 kirolari inguru bilduko dira bertan. Gainera, Europako zirkuiturako baliagarria izango da. Peña-Txuri Surf Elkarteak du antolakuntzaren zati bateko ardura, Sopelako Udala, Pro Surf, EHSF, Nikita eta Red Bullen babesarekin. Saria 5.000 eurokoa izango da lehenengoarentzat eta 1.500 eurokoa bigarrenarentzat. Gizonezkoetan, garaipena eskuratzeko hautagaiak dira Jatyr Berasaluze, Mario Azurza, Marcos Sansegundo, Asier Makeda, Igor Muniain, Ander Mendiguren eta Alex Gironi Wildcards euskaldunak; Frantziako Marc Lacomare eta Pierre Laborde; Reunion irletako Damien Chaudoy, Medi Veminardi eta iazko irabazle Maxime Huscenot; Portugaleko Federico Moraisekin; eta Guadalupeko Charly Martin. Argazkian, pare bat neska surfean aritzen.
Bestalde, emakumezkoetan, Leticia eta Loiola Canales ahizpak nabarmendu behar dira, lan ona egiten saiatuko baitira etxean, Getxoko Garazi Sanchezekin batera. Aurrean izango dituzte Alizee Arnaud, Johanne Defay, Cannelle Bulard eta Camille Davila; baita iazko irabazle eta zirkuituko egungo lider Justine Dupont ere.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun