Espainiako tokiko erakunde "gardenenetakoen" artean kokatu dute Getxoko Udala
Imanol Landa Getxoko alkatearen hitzetan, "gardentasuna eta gobernu ona gauza bera dira. Auzotarrek gehien estimatzen eta eskatzen duten ezaugarrietako bat da gardentasuna". Tokiko agintaria "pozik" agertu da Getxo Araba, Gipuzkoa eta Bizkaiko "udal gardenena bezala" hartu dutelako, Bilboren atzetik. Espainiar Estatuko 110 tokiko erakunde garrantzitsuenen artean 14. postuan dago Getxo, ITA Udalen Gardentasun Indizearen arabera. Kontratazio eta hirigintza eta herri lan esparruetan eman diote lehenengo postua. “Bi aspektu horiek agerian uzten dute Getxoko Udalaren funtzionamenduaren errealitatea, gestio ona ezaugarri duen jarduera ona zikindu nahi duten Arrue anderea bezalakoen funsgabeko saiakeraren aurrean”, aipatu du alkateak. Argazkian, Imanol Landa Getxoko alkatea.
2008an 59. postuan egotetik estatuko 15 udal gardenen artean egotera pasa da Getxokoa. Indizea herritarren eta gizartearen aurrean tokiko erakudeek duten gardentasun maila neurtzeko bitartekoa omen da. 80 adierazlek osatutako sistemaren bitartez, urtero ebaluazioa egiten du Nazioarteko Gardentasuna izeneko gobernuz kanpoko erakundeak. Horrela, ebaluazio orokorrari dagokionez, 100 puntuen gainean, Getxok 92,5 lortu ditu, Bilboren atzetik (lehen postuan 100 punturekin) eta Gasteiz (24. postuan), Barakaldo (31. postuan), Iruñea (63. postuan) edo Donostiaren (92. postuan) aurretik. “Sailkapen honek adierazten digu bide onetik goazela, hobetzen jarraitzeko eta getxotar guztiei zerbitzurik onena eskaintzeko lan eginez”, amaitu du Landak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun