Getxoko Udala turismo alorreko hainbat enpresekin elkarlanean ari da, uda honetan Bilbo bisitatzen duten turistak erakartzeko helburuarekin. Alsa taldearen laguntzarekin, 5 toki ezberdinetara txangoa egiteko aukera ematen du Bilbao Reservas delakoak, Bilbao Turismok bultzatutako erreserba bulegoak, bultzatutako ekimena; horien artean Bilbao&Getxo izenekoa. Aitor Soloeta Turismoko zinegotziak egitasmoan udal getxoztarrak duen partaidetza nabarmendu du, “Bilbo bisitatzera heltzen direnak erakartzen saiatzen delako, elkarlan pribatu-publikoaren adibidea izateaz gain". "Hori, orokorrean, gure udalerriaren mesederako izango da, irudi mailan eta ezagutzera emateko; baita gure zerbitzuetarako eta turismo baliabideetarako ere. Bisitariei Getxo Pass eskainiko zaie, Getxoko eskaintza turistikoa ezagutu eta berton bazkaltzen geratzeko aukera emanez, ondoren Bilbora metroz itzultzeko", gaineratu du tokiko arduraduneak. Txangoaren barruan Areetatik bisita gidatua eta tren turistikoan bidaia ere sartzen dira. Argazkian, Areetako pasealekua / © Getxo.net.
Bilbao&Getxo jardueraren prezioa 27 eurokoa da (13,5 euro haurrentzat) eta Getxo udalerriko toki esanguratsuenetatik egun erdiko bisita gidatua barne hartzen du. Bazkaria hautazkoa izango da: Berton bazkaltzekotan bakoitza bere kabuz itzuli beharko da Bilbora. Getxon egun osoz geratzea edo udako beste egun batean itzultzea lortzeko, Udalak Getxo Pass eskainiko die turistei, hau da, Areetan edozein igandetan (urriaren 31ra arte) 12:00etan bisita gidatua egitea eta tren turistikoan bidaiatzea asteko edozein egunetan, irailaren 19ra arte. Txangoak Bilboko Plaza Biribila, Moyua eta Bihotz Sakratutik abiatuko dira uztaileko eta abuztuko astelehenetan eta larunbatetan; eta irailaren 12an eta 26an, igandeetan. Informazio gehiago 944 433 463 eta 944 255 830 telefono zenbakietan zein www.bilbaoreservas.com webgunean eta reservas[abildua]bilbaoreservas.com helbidean eskura daiteke.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun