Ugandatik eta Siberiatik etorritako dantza taldeak arituko dira larunbatean Sopelan
Larunbat honetan, uztailak 24, Nazioarteko Dantza Jaialdia izango da Sopelan, Galdakaoko Andra Mari dantzari taldeak antolatutako Folklore Bizian nazioarteko jaialdiaren barruan. Ikuskizuna arratsaldeko 8:30ean hasiko da udaletxeko plazan. Bertan, galdakaoarrekin batera, kontraste handiko beste bi taldek dantzatuko dute: Ugandako Crane folklore taldea eta Siberiatik etorritako Tchoukotkako Ergyron inuiten folklore taldea. Argazkian, Algortan ere Dantza eta Folklore Jaialdia egiten ari dira egunotan / © Getxo.net
Folklore Bizian jaialdia atzo abiatu zen hasi eta igandera arte luzatuko da. Tartean, Bizkaiko hainbat herritan izango dira dantzaldiak: Galdakaon, Usansolon, Sopelan eta Arrigorriagan, hurrenez hurren. Andra Mari taldekoek dantza ezberdinak eskainiko dituzte herririk herri: Galdakaon Gipuzkoako dantzak, Sopelan Zuberoakoak eta Arrigorriagan Lizarrako larrain-dantza eta Bizkaiko erromeria egingo dituzte. Usansolon, berriz, Oinarin talde lokala arituko da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun