Ostiral honetan, irailak 23, hasiko dira Areetako Santa Ana auzoko jaiak. Astelehenera arte luzatuko dira. Bihar bertan kalejira egingo dute auzotik zehar, txupinazoaren ostean, eta ondoren sardina jana izango dute bertaratzen diren lagunek. Musikari dagokionez, jaiei giroa emango diete Artaza Combat tokiko taldeak eta Karkoma bandak. Azken hori Extremoduroren bertsioak egiten ditu. Hurrengo egunerako, umeentzako jolasak eta tailerrak, igel-toka txapelketa, mariachien emanaldia, tronpalarien erakustaldia eta saiheski jana antolatu dituzte. Igandean, berriz, Betizu disko-festarekin hasiko da eguna. Ondoren, paella eta tortilla txapelketak izango dira eta, gero, ur gerra eta txapel jaurtiketa egingo dituzte. Azkenik, hilaren 26an, Santa Ana egunean, santuaren omenezko meza eta ohorezko aurreskua egingo dituzte. Argazkian, Artaza Combat musika taldea / © Artaza Combat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun